Ano brš 2001., kerdam ando Bjelovari, Čidipe čačune Hrvatsko Homengo-Lovari, amari si majbari buči te ažutis e Homenge thaj te las minti po puranipe savo mekle e Homa Lovarja save trajin ande Hrvatska, aj ramome si ande lila katar o 14.stoljeto. Puranipe e Homengo Lovarengo, jekh maškar 8. Homane dorja ađes ane Hrvatska, khonik či ramolas palo barvalipe e hrvatskako savo sila ande kodi Homenđi kulura.

Ame, save ashilam andar e dorja anglume Homenđi-Lovarja, aj nakhlam ande Hrvatska, nasulipa thaj mudaripa, ađes sam maškar aver Homa ane Hrvatska majmrva, majbut pale kodo so aresle aver 7. dorja save dine ande Hrvatska anglal sani vrjama. Numa ame Homa Lovarja maškar 15. milionurja Homa ando them, pe amende perel 13. milionurja. Kodolesa, kaj sam majbut ando them, e Homani Lovaricko shib si shib andar savi kerdile sa aver shibja, aj kodelesa vi inkljel kaj lovaricko shib si majzurali Homani shib ando them.

Amenge Homenge Lovarenge thodo si ađes, te htasaras amaro mezipe, thaj bistaripe - sar angluni vrjama, aj sosa das ando bistaripe sar Homama save trajinas varekane, save sas majangluni dori Homenđi savi trajilas ande Hrvatska.

Ađes, ame Homa save ashilam sar majpurane hrvatskake Hom, 1420 zhene, gindis kaj sam uzhile te ažutis sa Homenge, aj majbut te las minti pe lovaricko-Homani shib thaj kultura, sar vi e adeturja majpurane hrvatskake Homenđi.

Te shaj majvorta thaj majlashes das anglal amare bučasa trujal e programurja thaj projekturja ande care e Centroske ando foro Bjelovari ano 2007. brš putardam nevo čidipe, alavesa:
HOMANO AŽUTIMASKO, SIČIPESKO THAJ KULTURAKO CENTRO ANDE HRVATSKA - LOVARI harne alavesa: HOMANO (ROMANO) CENTRO.

Homano ažutimasko, sičipesko thaj kulturako centro ane savo si thodo:

Savrjamako Homengo Lovarengo purano-dokumentarno sikadipe - ano dešudujto shon 2004. bršesko, putardo si kotoroho thodo tele alav “Lilengo-puranimako sikadipe ane save si ramome Homa Lovarja”, aj ano štarto shon 2007. bršesko o sikadipe si buhljardo thaj thodo pe trin shibja; homani-lovaricko, hrvatsko thaj englesko shib. Thodo telo alav: Savrjamako homengo lovarengo purano-dokumentarno sikadipe palo puranipe thaj adetuja katar majpurane hrvatskake Homa-Lovari - pe trin shibja.

Centro ande savo sičolpe
Centro ande savo sičolpe - buči savi dini katar e Hrvatska te shaj ažutimpe e Homa phangle tele programurja pale Homa thaj telo Akcijsko plano “Deš brš pale Homa 2005. - 2015. brš”.


Centro kulturako
Centro kulturako - Homenđi kultura savi sikaves e Homenge thaj gajzhe ane Hrvatska thaj ane lumja; prdal o khelipe, điladipe, bašadipe, sar vi lila save ramos phangle pale Homa pe homani thaj gajzhikane šibja. Antunči inkaras e Homane đesa, homane slave pe save sikavas Homano urjadipe thaj keras vi purano Homane habe thaj sikavas e kuća, stača vi tahtaja andar save e Hom hanas thaj penas.

Centro ažutimasko
Centro ažutimasko - del pačivalo thaj krisako svato e Homenge sar vi e rajenge save keren buči pale Homa, andar soste inkljela majlashi horba maškar e Homa thaj raja, aj vi majlasho trajo e Homenge, majbut e shavohenge thaj Homjange.


Cinoni lilenđi cara
Cinoni lilenđi cara (knjižnica), ane savi shaj ashelas 2000 lila (knjige) sosa e ternen crdas te đinaven.