Bršesko 2002. lam zor e Foreske muzejostar te shaj putras sa e vrjamako purano-sikadipe vi dino amenge ažutipe sikade manušengo te shaj putras. Numa sa zhi dujto shonesko 2004. brš., amaro projekto si htačardo sar pačivalo. Majbut das amen zor Ministarstvo kulturako te putras sa vrjamako purano-sikadipe. Dine amenge zalogica love andar love kači manglam, sosa areslam te astaras majzaloga so shaj arakhasas te pheras građa (lila). Majbut si kodo purane hartije, ginduja sičarde rajenge, sikadipe kultura Homenđi thaj običajurja (adeto, načinurja) save e Homa ramonas pe shib peske shavohenge.

Ramome si kodo ane “Lilengo-puranimasko sikadipe Homengo Lovarengo” save thodam te dičolpe ande care Centroske. Kodolesa kamasas e themeske te sikavas zhi soste inkarenas e Homa Lovarja ane anglune vrjame, aj kode bučasa las vi minti pe amaro puranipe tena či htasarelpe thaj bistrelpe.

O Savrjamako sikadipe shaj dikhelpe ane đesa katar e luja zhi paraštuj maškar 17:00 zhi 20:00 časurja, vaj ande aver đesa thaj vrjama numa musa te akharen majanglal pe sirma telefonošči: +385 (0)43 225 136.

Sikadipe (izložba) ane kotora mothol kathar e vrjama kana line e Homa te zhan pe droma sa zhi lengo than ande savo si ađes pe phuv Hrvatskako. E kotora si dine:

• Puranipe pale čačune hrvatskake Homa-Lovari
• Homa Lovarja pe droma andar Dubrovniko pe Hrvatska
• Mudaripe e Homengo ande Hrvatska
• Homane buča (buča pinđarde pale Homa)
• Adeto (Običaljuja) ande familija, ane so pačanas